الصمت العربى الى متى

اكثر من
400 شهيد و2000 جريح

هذه اخر نتائج عرفتها عن المجزرة الغير ادمية التى
تعرض لها الفلسطينيون فى غزة

لا اعرف ماذا اقول ؟

ان دموعى تخنقنى 00000

لقد تهاونا فى حق انفسنا كثيرا وهذه هى النتيجة

دماء

اشلاء

ضحايا

لم يقترفوا اى ذنب سوى انهم يعيشون على ارضهم
ويدافعون عن حقهم

الهذه الدرجة ارواحنا
رخيصة عند العالم ؟؟!!

نعم لهذه الدرجة 000
اتعرفون لماذا ؟؟!!

لاننا نصمت ونصمت ونصمت

حتى اصبحنا رمزا للصمت

ولم تعد اصواتنا قادرة على الخروج

اننا لم نطالب بحقوقنا وبالتالى لن يطالب العالم بها

لقد تهاونا بها فتهاون العالم بنا

فقد اصبحت اهتمامات

البنات

موضة وماكياج وجلسات نميمة
وفين هنقضى ال week end

والولاد

شوية جيل وبنطلون ساقط ومزة مظبط معاها

وقشطة وتمام اوى 00 ولو سألتهم اين تقع غزة
؟؟

هيقولولك اكيد على الخريطة
!!!!!

ولو صادفت بنات وولاد عندهم شوية حب للبلد

ومستعدين يقدموا ارواحهم هدية لبلدهم

على اعتبار ان ارض العرب بلد واحدة

تلاقة الحاجة ولا الحج يقولولك

خليكى فى مستقبلك

مالناش دعوه بحد
!!!!!!!!!!

بجد مش عارفة اقول ايه
واشكى لمين !!

اشكى على ضعف المسلمين

وعدم قدرتهم على استعادة ارض

ولا اشكى على ضياع
العقول

واندماجها بالدنيا فقط لاغير

ولا ولا ولا
..........

الكلام كتير والفعل قليل

بس صح احنا مافيش فى ايدينا حاجة

احنا مجرد شعب عمره ماهيقدر يتحرك لوحده

من غير تنظيم عسكرى وسياسى

طيب ماتيجوا ندور على التنظيم السياسى والعسكرى
؟؟؟؟
<
<
<
<

عذرا

لم يتم العثور على مايطابق بحثك حاول مرة اخرى
!!!

نعم لم يتم العثور فالجميع فى سبات عميق

يفيقوا على الكارثة زى كل مرة

وسيعقد اجتماع طارىء زى كل مرة

وسنعلن استنكارنا لما حدث برده زى كل مرة

وهنعيط شوية وخلااااااااااص على كده

وهترجع ريما لعادته القديمة

والكراسى هتفضل قاعده ولا حياة لمن تنادى

بجد نفسى احس ان فى راجل واحد بيغير على ارضه

ياترى ممكن نلاقى صلاح الدين تانى

انا للتراب قلبى اشتكى

من طول سنين همى

وعلى اللى راح ينزف بكى

من قلبى للننى

دلينى
ياحطين

امة محمد فين

الاقصى قلبه حزين

وانا مستباح
دمى

سامحينى ياارض اجدادى

سامحينى يامهد الاديان

رأيتك تسقطى
امامى

ولم استطيع اشعارك بالامان

انى خجلانة من
نفسى

ولم اعد استطع النظر فى المرآة

فكلما انظر فيها اشعر بالاسى والخخزى
والعار

لقد استباح اليهود دمك

وجعلوكى مضرجة بالشهداء

نزعوا الورود من ارضك

وزرعوا مكانها اشلاء

شتت الصهاينة جمعك

وجعلوكى منتشرة فى البلاد

ابن فى مصر واب فى لبنان

ام فى الاردن وبنت فى عمان

ومن بقى بارضه حدث ماكان فى الحسبان

ان القيامة تصرخ والاقصى
يستغيث

افيقوا ياعرب قبل ان يحدث
المزيد

ملحـــــــوظة

احنا ممكن مايكونش بايدينا سلاح نحارب بيه

بس ممكن على الاقل نقاطع منتجاتهم

لان اى منتج بيروح فلوسه
للمستوطنات

ويمكن للاسلحة اللى بيستشهد بيها العرب

ويمكن اخر حاجة سمعتها

ان كلمة pepsi

اختصار لجملة باللغة الانجليزية معناها

ادفع كل قرش لانقاذ
اسرائيل

مهما اتكلمت الكلام مش
هيخلص

ومش هيكفيه صفح

تحياتى اليكم

ولكل شهداء الحق

» الصمت هو العلم الأصعب من علم الكلام